கவிதை பூக்கள்

பயணம்....

நாங்கள் பட்டங்களோடு வேற்று
கிரகம் செல்ல இருக்கிறோம்
வேலை தேடி...

நவீன காந்தி...
இவர்களும் ஒரு காந்தி
தான் - ஆடை குறைப்பில்
சினிமா நடிகைகள்...

தகராறு...
வீதியில் தகராறு - மனிதர்களுக்கும்
நாய்களுக்கும் - யார் ஜெயிப்பார்களோ
எச்சில் இலை எடுப்பதில்...

துஷ்யந்தர்கள்....
வாக்குறுதி கணையாழியை தந்துவிட்டு
தொக்தி சாகுந்தலையை கைவிட்ட
துஷ்யந்தர்கள்- அரசியல்வாதிகள்...

பொதி...
பொதி சுமக்கிறது
கழுதை அல்ல...
கான்வென்ட் குழந்தை...

ஓடி விளையாடு...
ஓடி விளையாடு பாப்பா
என்று உரக்க பாடுகிறார்கள்
போலியோ குழந்தைகள்...