*ஓடி விளையாடு பாப்பா என
உரக்க பாடுகிறார்கள்
போலியோ குழந்தைகள் ....
*கண்ணகி வேடத்தில் சிறப்பாக
நடிக்கும் மாதவி
சினிமா நடிகை .....
*மகளுக்கு வரன் தேடி
நெடும் காலமாய் அலைகிறார்
திருமண தரகர்.....
*இனி வேலைக்கு வராதே
வேலைகாரியிடம் அம்மா - நாளைக்கு
என் திருமணம் ....
*மகனின் பிறந்த நாள்
வேண்டிக் கொள்ளும் பெற்றோர்கள்
முதியோர் இல்லத்திலிருந்து....
*பெண்கள் ஏலத்தில் விற்பனை
பெயர் மட்டும் நாகரிகமாய்
திருமணம் என்று.....
No comments:
Post a Comment